（女工的歌。一个女子问，一个女子答。）

“我说隔壁阿姐为啥来面皮黄？”

“你阿姐勿晓得我一日到夜做纱忙。

我朝起起来黑眬眬里

就要上工去，

夜里家来还要替别人家洗衣裳。”

为啥＝为何。

人工纺纱曰摇纱，在纱厂中作工曰做纱：以厂中分工，各司一事，不尽纺也。

朝起，亦作早起，朝晨也：起字平读。

黑眬眬里，亦作黑

胧胧，形容天未明之词。

“我说隔壁阿姐你为啥来实梗忙？”

“你阿姐勿晓得我疯瘫格老子瞎眼格娘。

三个兄弟妹子才还勿曾满十岁，

一家六口要我一人当！”

实梗＝如此。

才，齐字一音之转，即普通语之都。

当＝担当。

“我说隔壁阿姐你为啥来面皮红？”

“你阿姐勿晓得纱厂里格先生勿要面孔！

他捞捞搭搭勿晓得要做啥，

我勿睬他来他就起哈哄！

先生，工人称账房司事之类。

勿要面孔＝无耻：面亦作脸。

捞捞搭搭＝动手动脚＝拉拉扯扯；捞字读阴声。

起哈哄＝无端起衅；哈字去读。

“他起仔哈哄来要想停我格工，

停仔工来我一家六口只好吃西风！

我勿晓得为啥靠仔十只指头要呒饭吃？

为啥来要碗饭吃就要勿要面孔？”

要碗饭吃＝要吃碗饭。